Privacy

• Account — naam, email, aur password ka hash. Password kabhi plain text mein nahi rakha jata.
• Aapke attempts — kaunsa test diya, kya jawab diya, kitna time laga. Yahi se performance, weak topics aur mistakes banti hain.
• Newsletter email — agar aapne Know ya Jyotish par email diya hai. Abhi koi mail service connect nahi hai, isliye email sirf save hota hai, bheja kuch nahi jata.
• Fact check submissions — jo text aap bhejte hain. Aapka IP seedha nahi, uska hash rakha jata hai.

Health module ka data database ke apne alag schema (aarovia) mein hai. Par saaf bata dein: filhaal poori site ek hi database role se chalti hai, isliye ye alagav abhi database permission se nahi, code se hai. Purani database par role-level alagav tha; 12 August 2026 ke merge mein wo chhoot gaya, aur ye page 2 September tak purani baat kehta raha.

Health calculators mein aap jo daalte hain wo kahin save nahi hota — server par compare hokar usi request mein chala jata hai. Alag health consent aur har health read ka audit log design mein hain, bane nahi hain.

Health tools sirf jaankari dete hain. Ye doctor nahi hain, diagnosis nahi karte, aur emergency lagne wale symptoms par aapko professional care ke liye kehte hain.

• Aapka data bechte nahi hain.
• Koi advertising ya analytics tracker abhi site par nahi hai — third-party scripts zero hain.
• Payment details hum lete hi nahi — koi payment gateway abhi connect nahi hai.

Apna data dekhna, theek karana ya account delete karana ho to support@takshivo.com par likhiye. Account delete karne par aapke attempts aur profile hat jaate hain.

Sirf do cheezein browser mein rakhi jaati hain: aapka sign-in token, aur aapka light/dark theme choice. Koi tracking cookie nahi hai.